86                   MEMOIRES DE PIERRE DE L'ESTOILE.
Ce mot de lettre fut porté à madame de La Roche­guion à La Rocheguion, par un grand laquais basque que le Roy y envoia exprès : Sa Majesté estant résolue de donner le lendemain la bataille au prince de Parme, lequel lui aiant fait lever le siege de devant Paris (qui estoit ce qu'il vouloit faire), n'en tinst autrement conte, et s'en mocqua. En quoi nous pouvons remarquer que les providences des hommes, et mesmes celles des plus grands rois et princes, sont fort incertaines, et qu'elles despendent de ceste grande de là haut qui tient les conseils et les eveoemens en sa main, et en dispose bien souvent tout au rebours de ce que les hommes en ont arresté. Aussi n'y a il point de doute (comme l'ys-sue l'a bien monstré) que le conseil qu'on donna au Roy de lever tout à fait le siege de devant Paris sans laisser les fauxbourgs blocqués, comme il estoit en sa puissance, ne fust tres pernicieux et desavantageux pour lui. Et toutefois ce prince en estoit, et ne vouloit escouter ceux qui lui remonstroient, mesmes à M. de La Noue, ung des plus vieux et expérimentés capi-